呢排CY可謂是非纏身，例如日前佢以行會「班長」身份，暗批另一行會成員工聯會會長鄭耀棠嘅言論違反行會集體負責制，就畀人翻佢年前搶閘支持最低工資立法嘅舊帳，質疑佢其身不正冇資格話人。有報章專欄又翻炒番佢係地下共產黨員嘅謠言，令佢要急急喺網誌澄清絕無其事。

煲呔曾尋日喺政府總部新翼同港區全國政協委員舉行座談會，搵咗CY做主持，好多記者都想問吓有關事件，佢入會場前同記者講咗句「等我入咗去先啦」。點知會議結束後，記者苦候咗差唔多成粒鐘都等唔到佢現身，估計佢開完會就經東座停車場走咗。