為咗令媽咪有一個難忘生日，榮欣除預備拿手嘅雞尾酒外，仲預備九大簋，但係外賣嘅居多。第一味係葉劉指定嘅入境處飯堂豉油皇乳鴿，原來佢唔做入境處處長後，一直對呢隻鴿念念不忘，榮欣當然買嚟孝敬媽咪啦。其他主菜包括越式小食拼盤、印度咖喱雞、泰式海鮮金邊粉同葉劉最愛嘅壽司。榮欣前後用咗四個鐘，花咗二千幾蚊，游走灣仔、金鐘同中環，終於買齊其中六樣主菜，返到屋企再喺菲傭嘅協助下，完成埋墨西哥薯片同美式沙律同炒雜菜。

生日會一開始，葉劉畀滿枱食物嚇咗一跳，佢除咗滿心感動，仲有種「吾家有女初長成」嘅感慨添！