24小時瀏覽記錄

政情：盧文端唔買袋氹番老婆

全國政協委員盧文端嘅太太早前誤墮假貨陷阱，向一位相熟嘅闊太購入價值二十五萬元嘅名牌手袋後懷疑係假貨，要報警求助。老公盧文端知道太太被騙後甚激氣，仲話：「我有鬧太太點解咁失策，我唔識呢位闊太，太太之前同佢買過兩隻價值幾十萬嘅名錶都冇問題，唔明點解個手袋有問題。」

佢話太太依家身在倫敦，陪細女參加音樂暑期班，為咗畀太太一個「教訓」，佢話唔會出錢買番個名牌手袋氹老婆喎。