尋晚十點幾，佢同五、六個人喺渣甸街五十號渣甸中心搭落樓，點知部去到地下開唔到門，仲好似有人隻腳畀部夾住，警鐘大鳴，管理員即刻打電話報警，消防員趕到後花咗十幾分鐘用鎖將門扳開，好彩冇人受傷，不過啲消防員見到李澤楷喺部入面，唔知係咪怕佢畀記者影到佢嘅「瘀相」，即刻將在場記者趕走。過咗一陣，一身汗嘅李澤楷就面黑黑咁行出嚟，頻呼：「冇嘢！冇嘢！完全冇嘢！唔該晒！」之後上咗喺門口等咗佢好耐嘅豪華房車絕塵而去。