21/08/2009

播放本新聞相關短片

政情:高靜芝話婦委會改錯名

呢個暑假最出風頭嘅就係o靚模,尋日婦女事務委員會開會時,大家都問到個委員會對o靚模現象有乜睇法,估唔到主席高靜芝一語驚人,話婦女事務委員會真係改錯名,令人覺得佢哋淨係關心啲師奶,啲年輕嘅女性就唔關佢哋事,應該正名做女性事務委員會,以表示上至阿婆、下至細蚊女佢哋都一樣關注。

以高靜芝呢個理論,三八婦女節咪要改名做三八女性節呢?其實,當年政府牽頭搞婦女事務委員會嘅時候,話個會主要係關注女性問題,冇規定佢哋只可以管幾多歲嘅女性問題,到底係高主席諗多咗吖,定係個委員會顧慮太多呢?