去到英國，張文光更開心，佢出晒名鍾意睇英超聯，今次佢喺英國就睇晒英超四大球會曼聯、阿仙奴、利物浦同車路士嘅季前熱身賽，過足波癮。

最令佢同太太開心嘅係，全程可以同喺英國讀財務數學系碩士嘅囡囡一齊，女兒家吓喺一間英國著名嘅資訊科技公司實習緊，過埋今年就會畢業返香港，喺歐洲玩足三個星期、叉足電後，張文光回港就要忙啦。