早排喺中環撞到何太，佢話自己對囡囡簡直係貼身照顧，無論沖涼、換衫都有工人幫手，但已經八歲嘅囡囡係時候學吓獨立。佢今次去旅行冇帶工人同行，等囡囡學識照顧自己，沖涼、着衫、摺衫全部自己搞掂，做媽媽嘅佢不知幾高興，話係今次日本之旅最大嘅收穫。佢仲有一套慳錢方法，就係住啲平平哋嘅酒店已經可以，反而食早餐就去五星級大酒店，等小朋友可以長見識喎。