18/08/2009

播放本新聞相關短片

政情：黎以德履新話中有話

黎以德尋日正式過檔做運輸署署長，而佢喺新聞稿講履新時先一頂高帽笠落去，表揚署方致力提供世界上最好嘅交通運輸系統，繼而話會同署方同事合作，搞好運輸署嘅工作；最後再補充話，署方會全心全意做好策劃、管理同監管嘅角色，保持香港「路路暢通」。

外界盛傳佢嘅上司、運輸及房屋局常任秘書長何宣威下年就退休，盛傳升正首長級第六級（D6）嘅佢有機會更上一層樓，接替何宣威做常秘。佢嗰句路路暢通係咪另有玄機，寓意佢官運都路路暢通呢？