「覺得畀人呃咗，如果有朋友要報讀，我一定叫佢唔好。」廿一歲的阿斯（化名），四年前會考得一分，遂報讀展翅的西餅製作，結果令他非常失望，「讀幾個月都係學分辨刀、麵粉嘅種類，連麵粉都無搓過！」

蛋撻王集團董事總經理莊裕坤表示，包點學徒、廚工的門檻不高，中三或中五畢業已合資格，認為某些證書課程偏重理論作用不大，「太多理論就悶死人啦，實習同理論六四比例最好。」

技能行業實踐最重要

雖然毅進、展翅課程均標榜畢業後獲發證書，惟業內人士指出，部分課程與業界要求大相逕庭。「有心入行嘅話，先入髮廊再讀書更好，剪髮講求創意和觸覺，書本未必學到，有啲人以為有證書就想做師傅，咁係唔可能，一定要由低做起。」

理工大學學生輔導網絡主任崔日雄指出，毅進或展翅只屬職前基本訓練，流於「陪學員傾吓偈、輔導吓」，其實用性未必符合學生期望。