楊家駿話，台灣今次估計損失達二百億港幣，如果計埋重建費用，已超過十年前九．二一大地震帶嚟嘅損失。目前台灣好需要直升機、組合屋呢啲緊急物資，咁有冇同港府商借直升機呢﹖佢好直率咁話，香港好少遇到呢啲事情（災難），美國嘅直升機好精密，又已有具體回應，所以唔使麻煩特區政府派直升機幫忙，如果醫療方面有需要援助嘅地方，一定唔會同特區政府客氣，因為大家係自己人嘛。