香港青年聯會尋日上晝專登拉隊去觀瀾湖開年度集思會，今次嘅議題係青少年濫毒問題，呢班富豪二代好多都話未掂過毒品，但都知道青少年濫毒問題嚴重。
今年青聯有一百五十人參加集思會，青聯副主席、駿豪集團副主席朱鼎健（Ken）做東道主，喺觀瀾湖提供超過一百間房、免費食宿招待呢班會員。霍英東長子嫡孫霍啟剛話政府抗毒唔可以頭痛只顧醫頭，驗毒只能治標，未能治本。由佢擔任主任、莊家彬做委員嘅青聯文化體育委員會尋日經過腦震盪後，打算未來多辦課外球賽，等青年人精神有所寄託，唔使寄情毒品；佢哋又決定成立個政策委員會合作度橋抗毒。