本文重點
【本報訊】海關被踢爆召集全部四十五隻緝毒犬影大合照，令多個口岸出現「真空」的事件引起市民關注，海關助理關長（情報及調查）譚耀強昨日「死撐」，指拍攝宣傳照「有必要」，「令市民睇到我哋真係有咁嘅陣容」，又強調拍照以不影響正常工作為原則。不過，立法會議員涂謹申則說：「特區政府啲信譽唔係差成咁，連講有幾多隻狗都冇人信，一定要影相為證？」
譚耀強昨出席電台節目時為「緝毒犬大合照事件解畫」，指由於過去曾有市民問他：「係咪真係有咁多隻狗呀？」又有市民認為：「緝毒犬隻隻差唔多，會唔會有啲係假o架？」為了達到一個具阻嚇性的宣傳效果，遂拍攝有關照片，讓人看到「真係有四十五隻狗嚴陣以待」，令參與販毒的人有所警惕，「唔好博」。
「似拍紀念照多過宣傳」
譚耀強續謂，拍攝時間「實際唔長」，是在人流車流最少的時間進行，又謂完成拍攝後，所有緝毒犬已返回原定的工作崗位，不影響正常工作。
身兼立法會保安事務委員會副主席的涂謹申表示，海關的解釋極富娛樂性，從照片中看到一些海關官員站在中間，令人感覺是用緝毒犬來作活動布景板，「似拍紀念照多過宣傳」。