長和系前日召開中期業績發布會，爛果報記者又借提問機會重施故技，話長實喺將軍澳一個樓盤附近嘅堆填區臭味問題嚴重，會影響銷售。其實，爛果報呢招一啲都唔新鮮，將軍澳個樓盤有咁耐，佢哋就唱衰咁耐，係人都知佢哋玩針對喇。

長期畀人抹黑，長實集團主席李嘉誠忍無可忍，梗係要反擊啦。佢話自己曾親自到樓盤現場視察，證實堆填區「綠色過綠色」，令人睇到心曠神怡。李超人炮轟爛果報刻意針對長實，「有又攻擊，冇又攻擊」，仲批評話「做生意唔係咁嘅」。

係咯，做生意唔係咁嘅，人哋唔畀廣告啫嘛，爛果報就顛倒黑白，生安白造，咁唔止係玩針對，直情係公器私用，公報私仇。

《伊索寓言》有個古仔，狐狸想摘樹上嘅葡萄，但係唔成功，離開嗰陣死死地氣話「串葡萄係酸嘅，一啲都唔好食，我至唔稀罕」。淫賤黎睇嚟似足隻狐狸，得唔到想要嘅嘢，就將嗰樣嘢貶到一文不值，簡直係心理變態！

叮！唔使問都知，冇人落廣告係因為壹淫媒已經臭通街，毫無公信力。佢哋靠反中亂港、宣淫販賤起家，為達目的不擇手段。好似派人摷藝人垃圾桶、畀錢陳健康北上叫雞作「新聞」、偷拍女明星換衫、炮製未成年少女濕身相，無惡不作，乜嘢污糟邋遢手段都出齊。

壹淫媒自己冤崩爛臭，反而誣衊人哋個地盤有臭氣，而最搞笑嘅係，壹淫媒自己嘅總部喺正將軍澳，仲係最早搬入去添，而且比任何樓盤都更接近堆填區。如果嗰度真係臭氣熏天，咁一定係壹傳媒自己發出嚟嘅囉。

叮！至惡頂就係，壹淫媒扮晒叉燒，好似真係為市民着想咁，試問淫賤黎，你又有冇為自己員工諗過呢？佢哋日日返工聞臭氣，咁又點計先？算吧喇，你淫賤黎係乜嘢貨色，唔通大家仲唔知咩，咪扮嘢啦！

講開又講，壹淫媒好彩有班臭味相投嘅港英餘孽撐腰，至可以搞風搞雨咁多年。嗱，最離譜嘅就係當局選擇性執法，對壹淫媒法外開恩，甚至公然包庇護航。壹淫媒涉及發布不雅物品案件被判罪名成立嘅案底已經有一百一十幾宗，但每次只係輕判罰款算數，多嘅幾萬，少嘅數千，離罰款八十萬元及監禁一年嘅最高刑罰差天共地。

自作孽不可活，壹淫媒做埋咁多陰騭嘢，遲早畀天收。計太一叮話齋，將軍澳的確有臭氣，不過唔係來自堆填區，而係壹淫媒發出嘅惡臭。叮！