上個禮拜佢同太太去遼寧大連玩，途中專程坐車去一個大型供港雞場，佢話香港有一半雪雞都係嗰度出產，仲大讚雞場管理得相當衞生同完善，由生產雞苗、將啲雞養大，以至屠宰、雪藏同包裝出口，都係一條龍包辦，港人絕對可以放心食用，就算以後冇晒活雞食都冇有怕，簡直幫政府推銷中央屠宰政策。

大連出名盛產海鮮，幾十蚊就有大大隻鮑魚，佢幾乎日日都食，但對其他海鮮就冇乜興趣，原因係對當地烹調海鮮嘅方法不敢恭維，例如不論煮乜嘢貝殼類海鮮，都淨係識得用鹽水烚，好似佢咁嘴刁嘅香港人實食唔慣，仲話同佢選區嘅鯉魚門海鮮檔完全冇得揮。