香港成日以金融中心自居，近排頻頻曝光嘅行政會議召集人梁振英（CY）早前接受半島青年商會刊物《快箭》嘅訪問時，就勸喻香港人唔好夜郎自大，更唔好以為外國權威雜誌將倫敦、紐約同香港放埋一齊，就當正自己真係國際金融中心，佢仲呼籲香港人千祈唔好做「小皇帝」。
CY呢番發人深省嘅話係由青少年問題引起，佢話每一代青少年都有自己嘅問題，「索K」同「o靚模」就係家吓新一代青少年嘅問題，社會冇必要將呢啲問題無限放大，更加唔應該得出青年人一蟹不如一蟹嘅結論。佢又話，港人好似「小皇帝」咁甚少出國，難免造成夜郎自大嘅心態，希望青年人多啲出國，開闊眼界。
談到金融中心，佢就話香港只得灣仔到中環嗰少少地方係金融中心，唔好以為咁就可以同「紐倫」比肩。