楊孫西話，佢喺漳州發展嘅地盤面積有成一百萬平方米，足夠起幾十幢樓房，近日已動工，但就唔肯透露投資額有幾大，只係話漳州鄰近廈門，地理位置極佳，近來有唔少台灣人眼見中國市場潛力無限，已急急去當地投資，圖分一杯羹。

佢仲話，漳州近年興建高速鐵路連接福州、廈門等，直達深圳，預計兩年後落成，所以唔少港商都喺漳州「插旗」喎。佢家吓喺江蘇及北京都有投資項目，再加上漳州嘅基建項目，梗係忙到暈啦。