尋日喺廠商會七十五周年誌慶記者會上，呂明華主動宣布已爭取到會內逾五成支持，勝算至少有「五五波」喎。

當時黃友嘉唔在場，但呂明華唔放過機會暗寸對方，話：「我雖然已七十歲，但身體好似五十幾歲咁，又無心臟病……」無端講起心臟病三個字，唔通佢想暗示黃友嘉有心臟病？呂明華欲言又止咁話：「佢兩年前入院住過十幾日，係咪心臟病我就唔知嘞。」似乎暗示對手身體欠佳，唔適合做會長。

直至截稿前，我哋仍未能聯絡黃友嘉。大輝就話：「嘩，我就唔會講人哋私隱嘞，我覺得黃友嘉精神爽利，就連頭暈、感冒都少有。」