三個月前佢喺菲律賓嘅實用射擊大賽勇奪Level 3級別標準組冠軍後，今個月初又去新加坡參賽，佢舉槍射擊時，一對麒麟臂堅挺有力，啲肌肉凸起晒，結實過好多後生仔，驟眼睇仲以為係移花接木嘅電腦設計圖片。今次比賽，佢參加老人組，對手有四人，最終佢係第二名高分。

飛天朱鍾意玩刺激嘢，海陸空都玩晒。今年六十五歲嘅佢，下個月初會去湖北省安陽玩跳傘。佢尋日仲話，為咗保持體能，佢Keep住每個星期玩四次健身，與鐵餅為伍；以前打過泰拳，依家改玩詠春，詠春注重腰馬功夫，令佢悟出做人最緊要打穩基礎嘅道理，果然老而彌堅。