保安局局長李少光恨抱孫恨到出面，乖仔李霖恩同方燕凌喺舊年二月結婚，冇幾耐新抱有咗，預計喺十月生產，而臨盆在即嘅小李太狀態不知幾好，喺BB展舉辦嘅第七屆全港最靚孕媽媽選舉，成功擊敗近二百名準媽媽打入十五強。
方燕凌原本就係大眼美女，尋日決賽所見，佢身穿間條背心孕婦裝仍不失美態，但靚媽媽「考試」，內在美都好重要，經過自我介紹、飲食同健康答問環節同開奶技巧等比賽後，佢順利進入最後五強，喺最後一輪湊仔大比併中表現出色，最終勇奪亞軍，更獲得「Health Baby生寶愛．靚媽咪大獎」添！事後老爺透過新聞秘書話，佢早就知新抱參賽，今次得獎當然開心啦！
