咁頻撲都係想「我撐人人，人人撐我」，勢估唔到佢咁全面，連o靚模嗰票都掃埋。佢話有留意o靚模現象，但覺得香港係多元化社會，要禁止客觀存在嘅o靚模係不切實際嘅做法。佢仲力撐o靚模，話o靚模都係正當職業，如果係某啲問題上對青少年有不良影響，就應該疏導，例如介紹啲好書畀佢哋睇。

此外，CY就連舊年立法會換屆後經常同政府撐到行嘅富貴黨都一樣撐。嚟緊星期六佢答應出席富貴黨搞嘅「書中自有黃金屋送書券暨發布儀式」，分享閱讀經驗。

港大七月份嘅民調顯示CY嘅民望跌至個人新低，佢有備而來話：「自己民望同行會成員都有下跌，但我嘅跌幅較其他同事小。」仲話唔會因此自滿，跟住又話每個人都有自己嘅工作崗位，好似踢波都分前鋒、後衞同龍門。咁佢有冇諗過改踢前鋒參選下屆特首呢？佢答得好婉轉，話要睇社會需要，依家最緊要「守好自己崗位，做好自己本分」。