07/08/2009

播放本新聞相關短片

政情:青聯增補會董破天荒普選

香港青年聯會有一百二十個會董名額,行提名制度,會員想做會董,就要攞到上屆五個常務董事簽名支持,今年五月產生一百一十六名會董,最終互選出由Rock陳仲尼擔任主席,剩低嘅四個會董名額,要進行增補。

按青聯傳統,增補人選,向來由主席說了便算數,但阿Rock自動放棄呢個特權,破天荒改行記名投票選舉,放權畀千名會員以一人一票,喺十三名候選者當中揀四個,令班兄弟姐妹信服嘅好人選。呢次係青聯十七年嚟首次行普選,都算係一個突破。

直擊人類豬流感最新疫情
詳情瀏覽on.cc《奪命流感》