感到長期受辱

白韻琴回應查詢表示，當年被控逃稅，最終判監和罰款，對她傷害已經很大，又說：「我嘅損失唔單止係被罰款同坐監，仲令我花幾百萬元先可入會、喺上層社會嘅會籍同身份都無晒，我已經好慘！稅局仲將我個名長期上載上網，令我長期感到受辱。」

她續說：「刑事紀錄判監三個月或以下都可以取消，我都服晒刑啦，佢哋仲成日將我個個案擺喺個網度，我就好似畀人斬首示眾咁，直情係凌遲處死。」她批評稅局「好唔合理，亦唔人道。」

當年稅局向她提出檢控時，她有感因自己是名人而遭稅局拿作祭旗，曾於稅務大樓外絕食七日抗議，最終不支暈倒送院。不過，她自言現在「敢怒不敢言」，又形容現在見到綠色信封都好驚，擔心會被針對。