受雷曼迷債事件影響，外界對任總獲頒授勳章有好大爭議，雷曼苦主更曾抗議政府頒呢個荷蘭水蓋畀佢添，但任總尋晚完全冇畀呢啲批評影響心情，全程笑容滿面。

中總今年可謂大豐收，共有二十四個成員獲頒授勳銜同獲委任為太平紳士，累積嚟計，佢哋已有三百六十八個成員先後獲頒授勳銜。中總會長蔡冠深話，回歸以嚟有咁多會員獲頒授勳章，證明中總成員長期服務社會嘅表現得到充分肯定，所以由該會創立嘅中華總商會愛心行動，會繼續推動香港經濟同民生發展。