阿Tim笑騎騎咁話以一千蚊攞到平機票飛新加坡，架飛機係最新型號嘅空中巴士A380，雖然要屈就坐經濟客位，但身為九巴家族後人嘅佢一啲都唔介意，仲帶埋太太同仔女同行，等仔女趁機擴闊眼界，見識吓獅城嘅繁華喎。

當佢行到去太子大廈時，突然遇到一位婆婆眼碌碌咁望住佢，佢主動問對方係咪唔識路，婆婆喜見遇到支盲公竹，好興奮咁遞上地址查詢，阿Tim即刻攞住個地址喺商場「水牌」查閱一輪，終於搵到答案，仲帶婆婆去埋目的地添。