尋日喺一個青年對談會上，有青年問張建宗有冇試過失業，佢話未試過，但當年讀大學時，佢唔申請做人工高、福利好嘅政府暑期工，反而選擇去工廠做雜工。不過雜工都有特定嘅要求，因為唔請大學生，於是佢扮中五畢業，以其Baby Face瞞天過海。

間廠係做女士晚裝手袋，佢成日要加班，仲要幫車衣女工買消夜，所以好明白何謂辛勞、剝削。後來因為佢表現好，上司仲想升佢職，但佢唔制，因為雜工有超時補水可以賺多啲。

正所謂「一分耕耘，一分收穫」，佢做雜工都有兩大收穫，除咗喺短短四個月內搵夠下一年嘅全年學費外，仲令佢對女裝手袋好有認識添！