一名船家表示，西貢的五大危險泳灘，分別為大蛇灣、鹹田灣、浪茄灣、甕缸灣及最出名的大浪西灣，這些海灣對出的海面都非常深水，暗湧較大。此外，船家駕駛遊艇到上述海灣，為免擱淺，都會將艇停泊在離岸數十至一百米海面，然後安排快艇接載泳客往來沙灘。

飲飽食醉落水易出事

但該船家強調並非每艘遊艇都有快艇，即使有快艇，若遇到「客滿」或被用作滑水等娛樂用途時，其他人便要游往岸邊，一些泳術不佳的客人，便要以水泡、浮床或吹氣橡皮艇輔助，載浮載沉游到岸邊。

潛水歷險會課程總監區紹堅表示，這些泳灘經常有遊艇或快艇駛過，翻起的暗湧隨時可捲走泳客。「遊船河時落水游去沙灘，除咗冇救生員睇住之外，落水後係由深水游向淺水，有船經過時會翻起暗湧，較為危險。」記者亦發現，大部分人落水前，都無做熱身運動，甚至有人在船上飽餐、喝了幾罐啤酒後才落水。

「飲咗酒，人嘅判斷力同埋反應都會受影響，體力亦會差咗。」全民健康動力主席勞永樂醫生稱，泳客若飽肚落水，胃脹下或會出現嘔吐，加上海水湧入呼吸系統，容易導致窒息。至於無做熱身運動的話，落水時可能會抽筋。他說：「喺海上唔同泳池，啲水流好難預測，會增加遇溺風險，所以市民落水前千祈唔好食咁飽，更加唔好飲酒，落水前緊記要做好熱身。」