雖然o靚模引起不少批評,但只有十三歲、即將升讀中二的李同學來說,個人認為周秀娜是他心目中最美麗的少女,亦十分鍾情於她。李同學說今年才進入動漫會場,為的是購買印有周秀娜樣子的咕,他花去了四百九十八元終得到心頭所好,加上購得一本第二次版的周秀娜寫真集,共花去五百多元。
限量首辦 極速沽清
李同學說,為了擁有偶像物品,幾個月來省吃儉用亦在所不計,「媽媽給三十元食飯就只用十元,慳了三個月就能如願嘛!」至於購得咕後如何放置,李同學說會放在梳化,亦打算當作枕頭,攬住瞓覺。
動漫節行政總裁梁中本表示,截至昨晚九時共有十一萬三千人次入場,較去年首日的十萬六千人增加百分之六點六,他說人流增加可能與提早一小時開幕有關。今年參展商推出限量產品特別多及別具吸引力,昨日開幕前已吸引逾千人在會展門外排隊輪候,排頭位的陳同學六日前開始露宿排隊,甫入場即飛奔到網絡遊戲商越一科技,狂掃二千多元的限量版首辦模型連遊戲包,並獲得越一送贈獨一真金版迪格斯首辦模型。他說心情興奮,「未試過捧啲咁貴重嘅模型,可能會鑲起佢」,又指正考慮問友人借錢再買其他心頭好,但輪候多日已感頭暈「行唔到」。
前推後擁 險象環生
多個網絡遊戲商指昨日銷情理想,越一科技總裁朱仲豪表示,今年共推出約十款產品,其中七款只有三千至四千件的限量版,售價由三百多元至八百元不等,到昨日下午一時前已售罄,產品被掃清的時間比去年快出三小時。
Lego指首日生意額較去年同期少一成,估計與攤位變小有關,BANDAI、天下及玉皇朝則指生意額與去年相若,獨是Hot Toys銷售額較去年同期增加一倍。
不過,人丁旺盛亦有不少怨言,「一聽見話有o靚模出現,成條路就逼滿晒人,前呼後擁,不斷有人從後推前,都唔知為乜?咁推法好危險,隨時會推冧啲嘢壓親人,未來幾日都會有o靚模出出入入,真係唔知點算,再唔會講啲生意會影響幾多嘞。」有o靚模協助產品宣傳的毗鄰參展商,一口氣訴盡o靚模氾濫之苦,邊說邊搖頭,更嘆一句:「算今次係唔好彩啦!」
受o靚模困擾之一的物樂團負責人葉順成批評,上午時因有o靚模「巡察」隔鄰店舖,一度令人潮塞滿檔前,檔門口一度「被封」,「當時有近百人堆埋响門口,差啲令放响門口嘅玻璃櫃推跌,好危險,而且整整兩個鐘完全冇人幫襯,生意好受影響!」他認為,主辦單位安排太差,將向當局反映,認為應在場內另設明星區,以免影響其他參展商做生意。