祿哥尋日單拖去中環中國會食飯，佢係「書癡」一名，早前去北京公幹已狂掃大堆新書，今次又喺書展掃咗咁多「戰利品」，屋企書櫃真係好易爆棚喎！祿哥話多年嚟買落唔少書，至今已有「書滿之患」，佢會將一啲睇過一次後冇乜機會再睇第二次嘅書轉贈他人，亦會將一啲標題睇落好吸引、但睇真啲又唔多鍾意嘅書捐出去，所以部分舊書已透過慈善機構捐畀有需要嘅人。

不過，佢有兩類書一定唔捐，第一種係人哋送贈嘅書，另一種就係有朋友簽名嘅書。