有「政壇梁家輝」稱號嘅佢望上去精神奕奕，個「蛋撻頭」依然風吹不倒。問佢幾時復出，佢好輕鬆咁話：「呢樣嘢唔講喇，還晒啲債先啦！」佢所謂嘅債係人情債，以前公私兩忙，搞到佢完全冇時間做私人嘢，所以家吓咪忙於「還債」囉。

佢唔肯講政治，但喺商場打滾多年，對恒生指數重上二萬點都有啲睇法，佢話睇番港交所嘅數據，就知道香港一直都係資金市，多熱錢流入，易升易跌，依家股市回穩，大家小注怡情冇所謂，但切記小心使得萬年船！佢透露自己都有投資，不過以實力股為主，暫時坐艇都唔驚。