肥胡仲話平時鍾意睇書,而且睇得雜,當日佢順道行書展,買書清單有唐詩、宋詞、張愛玲《小團圓》,張小嫻嘅小說亦唔放過,連英文版易經都有,冇法啦,佢係番書仔,睇英文更易領悟,佢仲特登買多十本斌仔嘅新書《總有一次失敗》帶上廣州做手信添。
佢仲話睇書係消磨時間嘅最好方法,搭飛機睇就最正嘞。雖然佢成日搭飛機,但屋企嘅書多到睇唔晒,當佢將書展嘅戰利品放上架時先知鬧雙胞,事關書架上早就擺咗《小團圓》,仲等住佢揭。