另一邊廂，不扮才女的o靚模似乎冷手執個熱煎堆，紛紛受到讚賞道：噯，這就對了，賣肉就賣肉，胸戰就胸戰，打正旗號，主題清晰，毋須以謎一樣的錯字擾亂視聽。

市面上大規模湧現o靚模，有人嗤之以鼻，有人狂噴鼻血，你有你玩杯葛，我有我性飢渴。迷戀o靚模算不算孌童？見仁見智吧，o靚模自稱從來沒有性交易，理論上不會有人衰十一。

十來歲卜卜脆的美少女拋頭露肉充斥市場，撇開教壞細路的道德爭議不談，其實可從另一個角度觀之──鬥靚進化論。

芬蘭赫爾辛基大學一項研究聲稱，物種進化驅使女性變得愈來愈漂亮，而男性則仍舊像穴居老祖宗那樣，外貌沒有多大改善。根據進化論，靚女容易吸引異性，也就容易傳宗接代，而且容易生出靚女，周而復始，物競天擇，於是乎靚女愈來愈多。這是一場利用天使面孔與魔鬼身材爭奪生仔權的基因鬥靚比賽。

對於男性，傳宗接代的條件不一定是靚仔，有錢足以通街播種，所以進化過程沒必要鬥靚。

明白了鬥靚進化論，o靚模現象豁然開朗。由於祖宗十八代鬥靚，造就新一代美少女色誘二世祖。