佢嘅愛子李霖恩去年二月同女友拉埋天窗後，做老爺嘅佢應該一直等緊好消息，所以一講起件事心情咁好。問到即將增加嘅新成員係孫仔定孫女時，光哥一於保守秘密，仲話呢個問題應該問佢個仔，光哥本人就認為仔女都冇所謂，最重要係BB身體健康、順利出世。

家族就嚟增加新成員，光哥同親家都好緊張，佢太太同新抱嘅媽咪更睇到實添！不過，光哥至今未諗買乜嘢禮物送畀個孫。