【記者馮國豪、吳子生報道】一場無情車禍，奪去單親好爸爸董耀民的生命，亦奪去其一對子女與父同遊海洋公園的美夢。已離異的前妻，眼見再續前緣的機會頓成泡影，悲痛之餘，只能緊握死者冰冷的手哭問：「點解？你仲問我愛唔愛你㗎？」三名孤寡現面對茫茫前路，徬徨無助。東方日報慈善基金即時從無力殮葬專戶撥款二萬元，協助家屬解決殮葬問題；保良局扶弱基金亦撥出一萬元緊急援助金，為小兄妹提供援助。
死者董耀民的前妻及兩名子女昨晨游泳過後驚聞噩耗，三母子與親友分別趕到醫院了解，其中前妻目睹前夫橫躺殮房的冰冷屍首，當場癱軟跌在地上，歇斯底里痛哭，頻喚：「我唔要佢（前夫）死呀！點解？你仲問我愛唔愛你㗎？老公唔好瞓呀！醒啦！」
前妻認屍哭叫起身啦
親友見狀欲將前妻扶起，但她抱着舊愛的手不放，喃喃自語：「點解隻手咁凍㗎？起身啦！你應承帶啲細路去海洋公園玩㗎！做乜掉低個仔唔理呀？」兒子亦不堪遭逢家變，哭問：「點解呀？」親友見死者兒子激動難過，只好輕拍安慰：「你同爸爸講會做個乖仔同有責任嘅人，咁爸爸就會安心㗎喇！天堂再見，好好生活！」隨後一行人黯然離開，臨行之際，前妻回頭說：「你記得返嚟睇吓個仔呀！」
任職搬貨工人的董耀民與印尼華僑妻子大半年前離婚後，獨力撫養一對子女，同住屯門建生邨。由於董月入約萬餘元僅夠一家餬口，平日只能陪子女到酒樓飲茶或逛商場等廉價親子活動，是廿四孝「好爸爸」。
長子生性誓努力讀書
時值暑假，董為圓兩兄妹從未到海洋公園玩樂之夢，原定今日一家三口同往玩個痛快，如今要帶着無法兌現的承諾離開至親，頓失依靠的小兄妹更感徬徨無助，泣不成聲。
今年九月升讀中四的十五歲長子董永泉泣說：「爸爸原本應承咗我哋聽日（今日）就去海洋公園玩，以後都唔可以同爸爸去喇！」他指父親一向無給予讀書壓力，但他以後會生性，矢言會照顧七歲妹妹美靜，又承諾：「我一定會畀心機努力讀書，唔會令爸爸失望！」
死者好友劉先生得悉好友死訊悲慟不已。他嘆謂：「尋日（前日）先有個工友畀工字鐵砸斷腳，依家又有呢個好朋友（董耀民）撞車死，真係好欷歔！」 捐款編號：911751