可能有人彈（口靚）模寫真教壞細路，不過小白老弟覺得，睇（口靚）模等於睇「人體奧妙展」，又會教小朋友刷牙，相當益智喎。話（口靚）模寫真壞，壞得過之前一大堆經濟泡沫書？壞得過神棍啲流年運程書？依家（口靚）模寫真貨真價實，起碼睇完開心指數升到爆燈，港府不如全民大派「（口靚）模書券」，令小市民明白「窮途未必係絕路，賣肉也可逢生」啦。

網友回應

炮灰團巫兵兵

露暈娜唔掂，只有元祖嗰兩件正，所以自己先做壞市，冇得救！！

南朋友

實在太好了，一於做低日本妹。

匿名

世風日下，（口靚）模橫行……好冇水準！！

g

可以救的是一群喜歡口靚模的支持者，各取所需，雖對經濟不大影響，但不失為娛聞頭版的一個好題材！！

匿名

書展一早冇咗個市，由早前刀光劍影，到依家碧波蕩漾……都只係包裝贈品……與書甚或文字無關。

匿名

如果唔係有口靚模，電車男都走去索K啦！

熊卷

（口靚）模出現書展推動咗公共運輸業同高科技攝影器材零售業，都算救咗市啦！

文化人

唔搵啲口靚模救市，唔通搵嗰啲窮酸文化人嚟救咩！睇怕遲啲連口靚模寫真集都滿足唔到需求時，書展可以索性賣埋「蛇貓狗」嘞！

版主：小白(@^@)"

銜頭：評論員

特徵：路見不平，Blogger相助