理工大學應用科學系助理教授鍾劍華昨日出席《ontv》評論節目《就係敢講》時，批評當局抗疫放軟手腳，曾蔭權近期轉移陣地搞抗毒，便予人選擇焦點事件抽水的感覺，直斥他有關做法不恰當。

鍾劍華指出，豬流感襲港初期，港府十分緊張，衞生政策及措施亦偏緊，現在卻過度鬆弛，與世衞及其他國家的做法背道而馳，他直言：「依家嘅情況係（政府）放鬆得太快，令整體社會對豬流感嘅敏感度大跌。抗疫唔係一兩個月嘅事，冬季可能又有另一波，（社會）必須長期抗戰。」

他又稱，近期曾蔭權不理疫情，只顧禁毒工作，更予人「邊度有hot嘅事，就去邊度抽水」的感覺，他認為港府必須平衡抗疫策略的鬆緊，令社會維持長期警覺性。