佢哋計劃八月初至八月中起行，三名立法會議員、中常委加埋地區骨幹，二十幾人柴娃娃出發，暫定玩四至五日。行程短係短啲，但大家都知富貴黨成員好多都有生意喺身，行得開幾日，已經好難得，玩五日，差唔多啦。

行程雖然短，但風險好高，萬一患上高山症，輕則缺氧不適，重則有生命之虞；再講，幾個身兼立法會議員嘅領導層，年紀都有番咁上下，睇怕佢哋都係做足安全措施好啲，帶定氧氣罩同氧氣筒去穩陣啲喎！

副主席方剛話黨友知道高山症厲害，所以佢哋會先飛青海省嘅西寧，適應吓高山氣候，再坐火車上西藏，咁就安全啲。