原來佢屋企計計埋埋有成幾百隻大象，由T恤、領呔，到各式各樣嘅擺設都有。象哥話佢絕少畀錢買有關大象嘅嘢，但家人同好多朋友知道佢叫象哥，每次外遊買手信或過時過節，都會買相關嘅禮物送畀佢，搞到佢一屋都係大象，僅水晶象已有過百隻，仲有大大小小嘅木製、石製同瓷器擺設，多到數都數唔晒。

雖然佢唔算係大象迷，但對大象圖案嘅物品唔抗拒，事關佢覺得大象出名好有靈性，係少有懂得親情同友情嘅動物，連佢太太亦好喜歡，唔會因為擺到成屋大象而埋怨佢。