回顧過去幾個月嘅官司，龔仁心承認感到一定壓力，但佢自己識得減壓，盡量將工作安排得好啲。距離判決仲有兩個幾月，本身任職醫生嘅龔仁心話，等候判決期間仍然會返青龍頭間診所開工，因為好多病人都係佢嘅好朋友，有需要一定會幫佢哋睇病，最多睇少啲症啫，但遲啲就唔知嘞！

佢又忽然爆肚，話唔知遲啲係咪繼續應診睇症。唔通想暗示稍後會返華懋集團掌權？但呢個暗示能否落實，都要取決於爭產官司嘅勝負。