委員會尋日開會，結果由擁有工聯會背景嘅譚耀宗做主席，競選時承諾撐最低工資嘅會計界陳茂波任副主席，建制派都算小心，見副主席有機會代替主席主持會議，就連呢個機會都唔畀泛民，工商界對呢嗰組合相當放心。

工商專業界議員疊友入委員會，但唔代表佢哋好恨開會。喺傾下次開會日期，勞工界同泛民要求七月尾開波，九月初叫官員嚟交代立法內容，但多名商界代表就話八月、九月多議員外遊叉電同考察，不如十月至開會，一氣呵成；飲食界嘅張宇人直頭講十月好多慶祝活動，不如過咗十月先開會啦。咁都得？商界擺明想玩拉布，拖得幾耐得幾耐。