在天水圍區就讀中三的阿明（化名）表示「我哋喺網吧打緊機，有人畀張卡片我，大家就知乜嘢事。」月初深圳警方高調拉人封舖，令他對北上索K起了戒心，但戲言要索K根本無難度，「張卡片上嘅電話號碼係屬於拆家，打個電話，就有得『爆』（吸食）。」
據了解，毒品拆家的銷售「窿路」甚多，並沒有因警方加強掃毒而有絲毫改變。早前曾沉寂過的K毒外賣，因內地高調掃場後，拆家看準商機，向學生「派片」賣毒死灰復燃。
港鐵站附近極速交易
為逃避警方追查，拆家以迂迴的方法賣K，卡片上的手機號碼，通常只會用幾個星期。接到定單後，拆家不會親自現身，而是派出「車手」，接載只有十三、四歲的少女送貨。
拆家會相約買家，在人來人往的港鐵、西鐵和輕鐵車站附近交易，帶貨的少女見到買家即極速交易。小小的一包K，通常用透明藥袋裝着，因為買家只有一剎那的時間「認貨」，雙方一手交錢、一手交貨，手法相當利落。
「我哋會直接打電話落貨，每次最少要買幾百蚊。」阿明以往幾個同學夾份在學校買K，每人只需二、三十元，便足夠各人「爆」一小時，現在入貨量多了，只需多找幾個同學一齊「爆」，又或者分開幾次吸食便可，笑言在港買K如買煙般輕易。
有人減少北上索K，但亦有人毫無懼色，深圳市內的地下毒品販賣活動，未有因連場掃場而受到絲毫影響。和天水圍學生一樣，北上青年只需撥個電話，K仔、可卡因等毒品隨即送上，足不出戶、不到夜場，也能索個飽。
「只要識人，想買K仔易過乜，公安（掃場行動）根本無用！」在深圳生活多年的阿米（化名）向記者說，公安連日掃場後，落場玩樂人數沒有明顯減少，依然人山人海，但由於「風聲緊」，故近期不少人改以「打電話問攞貨」﹕「打個電話過去，講低要乜貨，同埋要幾多，唔使一個鐘頭就送到你屋企門口！」
的士送貨較夜場安全
阿米又稱，如果同拆家關係好，就連講電話也省掉，索性發短訊訂貨，但由於直接向拆家要貨，故購買的分量一般較多：「好似K咁，佢哋係一安安（安士）咁計，一安士大約夠十多人索，至於幾多錢一安，就睇純度嘞，Cheap嘢千二、三蚊人仔都有交易，堅嘢就二千幾蚊左近。」
他又解釋，拆家早已建立龐大的客戶網絡，故此即使市內全部夜場被掃蕩，他們亦可繼續出貨，「佢哋一般唔會揸自己車，全部搭的士送貨，夜晚深圳基本上係冇警察查車，的士又架架一樣咁滯，咁做法真係較喺夜場畀貨安全好多﹗」
立法會保安事務委員會主席劉江華指出，青少年在暑假的空閒時間較多，是第一次接觸毒品的高危期，但他卻看不到現時警方的執法行動有任何具體成效。他又指，毒販透過層層緊扣的銷售方式售賣毒品，警方必須順藤摸瓜，並非單靠幾次掃蕩行動。另一名立法會議員涂謹申擔心政府掃毒只是三分鐘熱度，一浪打擊之後會放軟手腳，令毒品問題死灰復燃。
根據禁毒處資料，十六歲以下人士首次被呈報吸食毒品近年有上升趨勢，○八年第一季有一百七十六人，今年同期上升至二百零一人，上升近一成四，顯示愈來愈多青少年於十六歲前吸毒。警方表示，就不法分子以手提電話運作販賣毒品活動或提供「送貨服務」，警方一直不時採取行動打擊有關罪行。