舊年立法會財委會選主席時，最少有七名建制派議員倒戈，令劉慧卿再度爆冷擊敗黃宜弘當選。事後政壇估計呢七個「二五仔」當中，當選咗做副主席嘅專業會議劉秀成亦有份，成為政壇懸案。
卿姐同劉教授尋日舉行記者會總結財委會過去一年工作，期間劉教授大讚卿姐，令佢學到好多嘢。問佢今年十月財委會復會後，係咪會支持卿姐連任時，佢就立即轉晒口風，話卿姐今年做得好係一回事，下年係咪再支持佢又係另一回事。問會唔會挑戰卿姐，佢亦話到時先算。
如果建制派真係想搶番主席位，依家做緊副主席嘅劉教授就最有資格，佢梗唔會咁快扯白旗啦！