政府委任「公職王」鄭慕智接替彭鍵基擔任離諮會主席，但畀人話佢違反同一人不可同時擔任六項公職嘅「六六規定」。據聞佢當初接受任命前已注意到將會違規，已辭去策發會同航空發展諮詢委員會，所以現時只擔任六項公職。
另外佢又認為港交所董事唔算係公職，只係上市公司職位，唔受「六六規定」約束。不過咁，港交所董事由財政司司長委任，政府扮無賴唔當係公職，真係「官」字兩個口。據聞兩個喺廉署下面嘅委員會，只可以算係一個公職，咁又少多個。佢擔任嘅博彩及獎券事務委員會主席任期即將屆滿，所以佢擔任嘅公職將會得番五項。
如果佢咁計法，做十項八項公職都唔怕違規啦，政府係咪應該搵人出嚟講清楚先呢？