波波日前拖埋「波仔」去中環食晏，電咗個爆炸頭嘅波仔同爸爸個陸軍裝頭相映成趣。波仔依家喺英國牛津大學修讀法律系一年級，趁暑期返港喺律師樓做暑期工，希望吸取經驗。其實波仔讀中六時已畀爸爸安排去國際級會計師樓做練習生，等佢及早接觸呢個行頭，點知波仔一心做大狀唔恨做會計師，波波話唔介意，等仔女自由發展啦。

返個幾月暑期工後，波仔會同爸爸飛去意大利旅行，玩餐飽後再返英國讀書。波波笑言趁波仔未有女友，可以陪佢玩多啲，遲啲想搵佢去玩都難喎！