全力以赴哪怕滿江紅
花名「牛筋」的阿海,顧名思義性格「牛脾氣、包拗頸」,但當提起犯事後母親對他的付出時,不禁灑下男兒淚。十八歲的他是家中獨子,父母在他年幼時離異,父親遷往澳門生活,他則與母親相依為命。
被判感化 母反自責
「媽媽性格剛烈,淨係識得叫我畀心機讀書,唔識關心我,我覺得佢好囉唆。」阿海坦言害怕寂寞,為了忘卻這份孤獨感,終日在街上流連,因而誤交損友,經常聯群結黨穿梭香港和內地的娛樂場所,及後更吸食K仔,○六年底因販毒被捕,判處接受感化令。
「當時好後悔、好驚,想快啲結束件事,唔想畀阿媽鬧。」正如阿海所料,母親獲悉事件後非常激動,但竟然沒有半句斥責,反而不斷自責沒有做好母親本分,將他管教好。
「媽媽係一個口硬心軟嘅人,咁多年都唔會求人,點知佢為咗我跪喺感化官面前,叫佢畀個機會我。」阿海就在這一刻,頑硬的心軟化下來,「我真係好憎自己,既然係自己犯錯,唔應該由媽媽承擔。」
求夫回港 感動逆子
等待感化令期間,阿海被送入壁屋監獄,母親一直陪伴着他:「媽媽雖然把口窒我,但其實一直幫我,特別係見法官前,佢成晚幫我燙西裝褸,一邊燙就一邊喊。」阿海低着頭說。
母親為了他,更硬着頭皮致電多年沒有聯絡的丈夫,要求身在澳門的他回港探望兒子:「阿媽打畀老竇,出埋錢叫佢過嚟探我,但佢都唔嚟,阿媽為咗我,咁樣做好辛苦,自己真係好衰,要阿媽咁委屈。」阿海提及父親時,終於按捺不住灑下淚來。
「學會留意別人需要」
阿海最終被判入讀基督教得生團契十八個月,他坦言最初對於得生團契感到非常陌生:「當時媽媽及婆婆陪我去,我哋一直拖到最後一分鐘至肯入去,入營前我哋仲抱頭痛哭,喊咗好耐。」阿海笑言,當日的情景恍如生離死別。
十八個月的鍛煉,阿海坦言日子並不好過,但令他學懂了應如何做人:「以前識講唔識做,但現在學會了觀察,留意別人的需要。」
停學多年之後,阿海重讀中四,但要重拾書本並不容易。他直言自幼渴望做警察,但由於曾經犯事,除暴安良的夢想早已落空。今次會考放榜,即使「滿江紅」,阿海笑言亦不會感到失望,因為知道自己已經全力以赴,對得住自己及母親。