禁毒專員黃碧兒可能都知靠嚇唔掂,尋日轉用柔功,強調校本驗毒試驗計劃冇攻擊性,仲話:「吸毒唔會被檢控㗎,我哋想了解你點解要吸毒啫。」之後仲會有社工跟進,分析吸毒成因,簡直係五星級服務。
政府嚇完人,就出波板糖呵番,成日咁樣,班後生仔唔索K都畀你搞到精神錯亂啦!政府話摸住石頭過河,咁都要摸準啲先得㗎,摸咗舊唔穩嘅石頭,容乜易浸死。