12/07/2009

播放本新聞相關短片

政情:立會贏波IT豪大讚外援

立法會足球隊嘅勢愈來愈強,尋日議員同傳媒隊交手,又係因為立法會隊隊長林大輝搵番嚟嘅現役甲組球員實力勁,搞到傳媒隊輸波收場。立會足球隊領隊IT豪譚偉豪好識做咁話,佢哋之所以贏,都係有賴幾位外援喎,跟住仲掏荷包請兩隊成員吃飯添。

尋日開波前天文台已掛起三號波,一開波仲開始落大雨。IT豪話最初以為傳媒隊由下半場開始會體力不繼,點知下半場嘅走動反而愈來愈多,仲有幾次差啲入波添,踢完波後,IT豪仲請傳媒隊同立法會隊班隊員食飯,聯誼一番。