余若愚主張以邏輯及數學，將風水變成理論，他於八六年移民加國，先後在多國教授風水，又曾於希臘教授學生，有學生將其講學翻譯成書，林官聞其履歷不禁說：「Globalisation（全球化）喎！」華懋一方開始盤問時便問余：「係咪所有迷信嘅嘢都反對？」余答說：「按照科學定義，嚴格嚟講，風水唔係科學，係邏輯。」

但余承認對法科風水、降頭、茅山及道法等統統不認識，亦未試過種生基；他有看過《天圖佈局》，「感覺到係民間傳說嘅邪術，內容非常恐怖。」至於燒銀紙，他直言：「幾荒謬，燒衣紙嘅人已經係迷信，燒銀紙嘅人更加迷信！呢啲唔係掛名風水師嘅所作所為，common sense（常識）都知呢種係愚蠢嘅行為。」

指陳「唔識風水嘅風水師」

余若愚作供半小時後，林官不禁問其風水知識師承何處，余承認九成從書本自學，一成由師傅教授，但師傅並非直接教他，只是發現其報告有不妥之處時，會「唔睬」他，令他自行再研究修改。法官隨後向華懋一方律師說：「相信你都唔使再問佢！」余作供亦告結束。

對於被法官「叮走」，余若愚在庭外說：「我盡咗本分，希望幫到法庭。」身為陳振聰證人的余形容本案「對風水界嘅聲譽好差、好差、好差」，認為陳只是「唔識風水嘅風水師」。他透露，陳陣營去年九月透過網頁以電郵接觸他，問他是否有興趣替風水案作供，並列出數條問題，余一一解答後，對方認為他合適並邀他作專家證人。至於報酬，余指在此案要翻看兩大箱文件，又要準備風水報告等，對方會逐一計錢，「我都唔知收費會有幾多」。