商務及經濟發展局局長Rita劉吳惠蘭喺上禮拜二先公布注資迪士尼嘅決定，十日後就要求財委會撥款，已畀議員批評係開快車，尋日立法會經濟事務委員會主席林健鋒仲知會議員，話要喺禮拜五朝早召開緊急會議，等政府有機會提供補充資料，游說議員喺下晝召開嘅財委會投票支持。
有議員批評呢個上晝睇資料、下晝就投票嘅安排，絕對係立法會前所未有，簡直可用開過山車嚟形容，炮轟Rita同林健鋒離晒大譜。
其實至今只有部分泛民議員或會反對撥款，政府理應夠票通過，點解Rita仲咁緊張呢？原來建仔喺當日下晝舉行創黨十七周年酒會，建仔議員要去撐場，間接令Rita唔見咗幾張鐵票，佢惟有死死地氣向議員提供多啲資料，希望可以箍多一兩張支持票。