告別政壇嘅立法會前旅遊界議員Howard楊孝華，細仔Jeremy楊哲安繼承衣缽，入官場做教育局政治助理。早幾日喺立法會門外遇到Jeremy，佢爆料話爸爸重返校園，喺澳洲讀旅遊學碩士，話咁快年底就畢業，到時輪到佢買定禮物，賀爸爸戴四方帽。
佢仲話暑假會去澳洲探爸爸，只有幾個月大嘅BB女亦會同行，事關自從爸爸去年十月同媽咪去澳洲進修後，一家人分隔異地，惟有趁暑假至可以聚一聚。
雖然Howard已經榮升為爺爺級人馬，但仍然堅持喺澳洲嘅大學讀風流書，該校環境優美，喺正黃金海岸附近，放學行吓沙灘、打吓高爾夫球，歎過做皇帝。又係嘅，佢捱咗大半世，都係時候享吓仔福啦！
