有一對仔女嘅范太話做父母有三大秘訣，第一係敢於認錯，佢話言教不及身教，父母做錯事一樣要同子女認錯，做好啲模範。第二就係唔好做「黑白天鵝」，唔好對子女日哦夜哦，好煩（口架）！佢話以前囡囡同朋友唱K，本來想叫佢早啲返，但佢知道囡囡一定唔啱聽，所以改個方式叫佢玩得開心啲，夜就打電話返屋企。最後一招係「提得起、放得低」，要負起照顧子女嘅責任，又要尊重仔女嘅決定。

另一名講者、著名工業家蔣震嘅女阿Ann蔣麗芸言論大膽，話結婚時同老公講明，即使佢對自己唔住都唔會離婚；以一夜情為例，呢啲只係生理需要，就好似食咖喱、麻辣火鍋呢啲一剎那快感，同細水長流嘅婚姻冇得比。阿Ann嘅老公當時都在場，唔知佢點諗呢？